Zunft zu Wein- und Herbergsleuten

Euser Dorf

Wyt umme chasch doch luege
und säge was de wit,
es git nit gschwind e Dorf
wo so im Ufschwung lyt.

In  dene siebehundertfufzäh Johr
wo euser Dorf do stoht,
hets gar vill verlore
und neui Läbe witers goht.

Wie heimelig tönt Bättzytglogge
wenns Tagwärch umme isch,
s'bringt Rueh übers Dorf
z'nacht hesch e deggte Tisch.

Hejoo si früeher bösi Zyte
in euser Dorf inecho,
die Schwedische Husare
hei vill verwüeschtet z'rugggloh.

Dr Herzog Bernhard vo Weimar
e wilde ruuche Gsell,
hets Veeh grad vo de Halftere glööst
und abgfüert uf dfr Stell.

Bös glitte het doch s Blarerschloss
gstohle hei si neui Dachspaare,
mit handghauene Eicheflegglig
drmit sächsspännig s Dorf usgfahre

Drumm wenn Zoobe spoht
Sunne gluetrot hinterem Blaue abezieht,
dängg im stille bhüet-gott
euser lieb Dorf, im hintere Baselbiet.

Alice Meyer †, 1960